Hakha Ah Passport Lak Man An Thumh Lai

Myanmar nationals hold up their passports outside the embassy of Myanmar in Singapore April 27, 2008. Hundreds of Myanmar nationals gathered outside the embassy in Singapore on Sunday as they waited for their turn to vote in the country's constitutional referendum. REUTERS/Vivek Prakash (SINGAPORE) - RTR1ZXRO

The Chinland Post Hakha| 2019 September 27| Chin ramkulh Hakha khualipi Passport zung nih Passport tuah man ah 55,000 Ks a lak tawnmi cu September thla dih in thumh ding ah timhtuahnak kan ngei tiah Passport tuahnak zung in lutlai nih September 23 i Cozah le Media tonnak ah a chim.

The Chinland Post nih Rangoon ahcun Passport tuah man hi 30,000 Ks ceo lawng a dih i Hakha ahcun a thar tuah tikah 55,000 Ks nan lak, thlen tikah 70,000 Ks nan lak tikah mah hi zei ruang ah dah a si, ziah Rangoon nak tam deuh in nan lak tiah kan halmi cung ah atu bantuk in a kan lehmi a si.

“Chin ramkulh ahcun 55,000 Ks kan lak ko. 70,000 Ks cu ka la bal lo. Zei ruang ah hmundangnak in tam kan lak ti ahcun seh man le thilri man a rawh tikah kanmah te in remh le tuanvo lak a hau. Mah caah 55,000 Ks lak si siseh tiah thawng kan thanh i aho paoh 55,000 Ks kan lakmi hna hi a si,” tiah a kan leh.

Hi nak in thumh nan timh lai lo maw tiah kan halmi kong he pehtlai in, “September thla dih in thumh kan timh ko. Rangoon tluk in cun a man a tlawm men lai lo. Nain Rangoon tuah man i khingkhaan nawn in thumh kan timh. Tuthla dih in cun kan thumh cang ko lai” tiah Passport zung in lutlaih nih The Chinland Post biahalnak a kan leh.

Ramdang kal duh tikah Passport tuah hi Rangoon le Naypyidaw lawngte ah a si nain, cozah thar aa thlen hnu 2013 kum dih lei in Hakha ah Passport tuahnak zung cu Chin ramkulh a ummi caah tiin an hun hi a si.+++

Na ruahning rak langhter ve.. (Leave a comment)

%d bloggers like this: