Hakha Ah Sipin Tawlrelnak In Dinti Gallon 50 Ah Ks. 100 In Cawk Khawh A Si

Tawk Tling Thang | 2019 March 13| Hakha ah dinti a har tuk ca le Timit dinti a tlamtlin rih lo caah Sipin tawlrelnak in mizapi caah dinti gallon 50 ah ks. 100 in cawk khawh a si tiah kan theih.

Hi kong he pehtlai in Hakha peng sipin committee nih Chin ramkulh cozah bu lam hmuhsaknak le Sipin committee meeting biakhiahnak bantuk in a tanglei ning in March 12 ah thawngthanhnak an tuah.

Timit dinti laakmi Hakha khuapi dinti ngah khawhnak caah K&DL le Mukoh Shwe Yi company nih innkip tipeknak rian an lim rih lo ruang ah mizapi dinti an i za lo. Cu ruang ah mizapi dinti an i zatnak ding ah Hakha peng sipin phu nih khuapi chung dinti peknak a tlamtlin hlan chung tiang  a tanglei langhtermi tikhor ah March 14 thawk in nifatin zinglei suimilam 10:00 in zanlei suimilam 4:00 tiang pipa pungkhat a simi gallon 50 ah ks. 100 in cawk khawh a si ti in mizapi kan in theihternak tiah Sipin Committee haotu Pu Ngun Vung minthut he thawng an thanh.

  1. Pyidawtha sang- Nawisuah tikhor (gallon 100,000 a tlummi), Hakha Town hall gallon (100,000) a tlummi le Amah-kah Pyidawtha tikhor
  2. Dawrthar sang- Town Hall tikhor gallon 50,000 tlummi tikhor
  3. Pyidawtha sang- Amah-kah sianginn gallon 50,000 tlummi tikhor
  4. Khuathar sang- BEHS-No.2 tikhor gallon 50,000 tlummi tikhor
  5. Tiphor motor pakhat- gallon 2000 a tlummi in nan inn ah phorh a si ahcun motor pakhat (gallon 2000) ah ks. 50,000 a si lai.

A cunglei langhtermi hmun ah ti nan duh ahcun hika phone number ahhin pehtlaih khawh an si.

Phone : 070-21480/ 09455477330/

Phone: 09400302982/09253576334/092450841

Leave a Commnet

%d bloggers like this: