Hakha Ah Thil Phor Motor Nih Zwe Guest House A Pah
Salai Cung Cung |2018 January 18| Hakha Dawrhlun sang motor gate pawng Zwe Guest House cu tuni suimilam 11:00 hrawng ah thil phor motor nganpi nih a pah tiah kan theih.
“Hi motor cu Gangaw lam lei in a rak tummi a si i motor break a out ruang ah tubantuk in a pah hi a si. Minung ahohmanh a khawngmi an um lo. Motor chung ah hin motor mawngtu pa lawng a um i a mah zong zeihmanh aa khawng lo tiah” inn pawng i a ummi a pah lio hmutu upa pakhat nih The Chinland Post ah a chim.
Hi motor ngeitu hi Pu Ram Cung a si i motor mawngtu cu Pu Kyaw Htwe a si. A khua hi Myathtilar a si i a pa min ah U Mawng Kyaw a si. Motor number cu SGG 93-7548 a si tiah kan theih.
“Tu hi motor mawnghtu pa U Kyaw Htwe cu Hakha palek zung ah an kal pi cang. Zeitindah case (ahmuh) an tuah lai timi a fiang rih lo” tiah Hakha palek pakhat nih The Chinland Post ah a chim.
Zwe Guest House a pahtu motor hi motor nganpi ke 12 ngei a si. Inn a pahnak ah motor cu a hmailei cu a sawp dih. Inn lawng si lo in Skat motor zong a pah chih tiah kan theih.
Photo: The Chinland Post
About The Author
