Hakha Ah Zaanglekcelh Cawnnak Science Sianginn An Hun Lai

0

Haithlaan tilionak

City Hunter| 2018 May 29| Myanmar ramkomh Ngandamnak le Zaanglekcelhnak ministry zung nih Chin ramkulh Hakha ah lentecelhnak le zaanglekcelh cawnnak science sianginn an hun lai tiah kan theih.

May 27, Mandalay ah tuahmi mino le zaanglekcelhnak mizapi biaruahnak timi panelist ah atu bantuk in Mandalay Zaanglekcelhnak Celhnak Science sianguk U Myo Myint Aung nih a chim.

“Ngandamnak le zaanglekcelhnak ministry zung nih Chin ramkulh- Hakha le Rakhine ramkulh- Sittwe ah zaanglekcelhnak science sianginn an hun lai. Sittwe ahcun inn zong an sak lio cang. Cun, Hakha zong saknak ding hmun an zoh dih cang. Tuhnu kumhnih ahcun sianginn hun khawh a si ko lai”.”

Hi zaanglekcelhnak Science sianginn ah minung 150 veve cohlan an si lai i zaanglekcelhning phun 10 chimh cawnpiak an si lai. Myanmar ram ah Zaanglekcelhnak Science sianginn cu Yangon, Mandalay, Mawlamyaing, Taung-ngo, Monywa, Luaikaw ah an hun le chimh cawnnak ngeih a si cang.

Hi sianginn ah a kaimi siangngakchia hna cu nikhat ah ks. 2500 hrawng an hman. Thaithawh, chuncaw, zanriah le a dangdang eidin pawl an pek hna pin ah thutdirnak le an umnak ding a herhmi thilri pawl zong bawmhnak an pek hna tiah theih a si.

Vice President Henry Van Thio le ramkomh cozah bu in a hnuzultu pawl Hakha an phak lio zong ah Hakha i Zaanglekcelhnak Science sianginn saknak ding hmun zohnak an ngei tiah theih a si.
Ref: The Voice

About The Author

Na ruahning rak langhter ve.. (Leave a comment)

%d bloggers like this: