Hakha Avoi 2nak HZYF Sporty Day An Tuah Lai

Salai CungCung|2019 September 12| Hakha ah avoi 2nak HZYF (Hakha Zophei Youth Fellowship) Sport Day cu October 14 BESH No (1) bualrawn ah an tuah lai tiah kan theih.

“Lentecelhnak kan tuah hnawh channak a ruang cu, kan mah Zophei hi Hakha ah a ummi kan tam ngai cang, nain pakhat le pakhat kan i hmuh tong kho hna lo, cun pakhat le khat zong aa thei lomi tampi kan um caah hawikomhnak Fellowship tuah u sih law lungrual tein hmailei ah riantuan ti kho hna u si, ti kan duh caah kan tuah mi a si” tiah HZYF president Salai Thawng Tin Lian nih The Chinland Post ah a chim.

“Hakha ah hin Zophei mifa tamtuk kan um cang hna nain Zophei mifa an si le si lo zong pakhat le pakhat kan i thei hna lo. Cun pakhat le pakhat, khuakhat le khuakhat zong hawikomhnak tete kan ngei kho lo, rian zong khua le ram thanchonak caah kan tuan ti kho tuk hna lo, cucaah mah kan tuahnak thawng in pakhat le pakhat hawikomhnak le theih hngalhnak, dawtnak chuak pi seh tiah kan duh. Kan mah Zophei chiatni thatni ah pakhat le pakhat hmunkhat te rian tuanti khawhnak le kan phun kan ram hi phlih lo tein le daw le rem tein pakhat le pakhat nih kan Zophei kilven kho cio hna uh si ti saduhtatnak he kan tuah timh mi zong a si.” tiah HZYF Assistance Secretary Salai Siang Bawi Sang nih The Chinland Post ah a chim.

Hi HZYF Sport day zuamnak caah laksawng pawl cu, pumpululh chuih zuamnak pakhatnak laksawng ah tangka Kyats Sing 2 le trophy , pahnih nak 150,000 le trophy, pa Volleyball pakhatnak laksawng ah Sing1, pahnihnak laksawng 50,000 nu Volley ball pakhatnak laksawng Sing 1, pahnihnak laksawng 50,000. The Best Player laksawng cu Certificate pek an si lai. A dangdang zuamnak ah pakhatnak laksawng 10,000, pahnihnak 5,000 tiin pek an si rih lai.

Hi zuamnak chungah nu he pa he meter 100 thlik zuamnak, Long yamp, Hingh yamp, hridawh, lung cheh tibantuk a phunphun a tel lai tiah kan theih. Avoi 1nak HZYF pumpululh chuih zuamnak ah Hriphi nih pakhatnak an rak hmu tiah kan theih.