Hakha Christian Minister Fellowship Nih Camp Victoria Ah Workshop An ngei

HCMF UCCF Camp Tlawn by Rev. Paw Luh

Salai Bawi Lian Sang| TCP-Kalay| November 17, 2020| United Chin Christian Fellowship (UCCF) sawmnak in Hakha Christian Minister Fellowship (HCMF) chungtel pastor (35) le khrihfabu  hruaitu upa(5) telh in minung(40) nih “Workshop on Nation Building & National Security” cu November 11-13,2020 CNF- Camp Victoria ah an tuah nak kong cu CACC AGS. Rev. Paw Luh sin in thawng kan theih.

“UCCF sawmnak in HCMF hruaimi dihlak Pastor minung (40) kan si. CACC in Pastor (4) kan i tel kho. Nation Building kong ah Dr. Lian Hmung Zakhong, National Security kong ah Dr. Sui Khar, NCA he pehtlai mi Peace kong ah Pu Thla Hei (GS-CNF) le Nuhrin covo kong ah CHRO lei in Zauk Ling nih cawnpiaknak an ngei.Pastor kan si caah Bible le Pathian kong lawng kan ruat/chim tam i a tu bantuk Ram le Miphun kong ah cawnnak kan ngei mi le CNF camp ah ton in workshop kan tuah hi a voikhatnak a si i a tha tuk. Cun CNF nih ramkhel party kong ah si lo in Miphun (Chin Nationalism) kong ah kan kal pi uh kan ti hna” tiah AGS Rev. Paw Luh nih TCP ah a chim.

Rev. Dr. Za That, Rev. Dr. H. Siang Kung le HCMF Secretary Rev. Dr. S. Lian Hup Ling hna nih Bible mit in ramkhel lei biaroling  an ruah hna. Hmailei zong ah hmundang/ pengkip pastor hna he ton biaruahnak zong pehzulh  tuah an i tim  tiah thawng theih a si.

Tulio CNF camp ah Pastor a tuan lio mi cu Rev. Tluang Hre a si. Secretary Pu Solomon Thang Ding hna an si.

Na ruahning rak langhter ve.. (Leave a comment)

%d bloggers like this: