Hakha College English Major An Ca Cawnmi An I Palh Caah A Thar An Chimh Than Hna

Salai Aung| 2019 March 13| Hakha college ah English major in sianginn a kum 2nak a kai liomi pawl cu an ca cawn dingin Kalay University nih an rak kuatmi hna a cheukhat cu a hlun cang mi a si tiah kan theih.

Cathar aa thlen cang caah a hlun an rak kuat hnami cu Question an tuah tik ah a hlun a si cang tiah Kalay in an rak ti than hna.

Mah kong he cun pehtlai in Hakha College sianguk Dr. Lian Za Khup kan hal i, “Mah kong hi cu anmah Kalay le Hakha college English major Head Of Department tu an i ceih te lai. Anmah Saya/mah nih a thatnak in khua an khanpiak ko hna lai” tiah a chim.

Hakha College English major Head of Department Sayamah nu kan hal tikah, mah ti hin a chim.

“Cauk an rak kan kuatmi cu kan chimh ko hna i a hnu ah ca tlawmpal aa thleng mi kha an rak kan chimh than tikah a rannak in ca aa thlengmi cu kan chimh dih than hna. Ca a thlengmi cu tlawmpal te lawng a si ko caah exam tuahnak ding zarh thum leng a duh ko caah a rannak in kan chimh than hna i kan chimh dih manh ko hna” tiah a chim.

Atu kum English major ca aa thlengsual mi cu 2nd year an si. Hakha college kaimi cu March 18 in exam an phi lai tiah kan theih.

Leave a Commnet

%d bloggers like this: