Hakha College Ah FQ Chiahmi Tiphul Khuami Minung 48 Le Case 150 Nu An Chuak Cang

0

Hakha College ah Facility Quarantine Chiahmi

TCP-Hakha| 2020 May 20| COVID-19 ruangah Hakha College ah Facility Quarantine (FQ) chiahmi Tiphul khuami minung 48 le Case 150 nu cu nihin May 20, 2020 zing sml. 9:50 ah an chuak cang tiah thawng kan theih.

Hi chuahlio ah Rev. Dr. Lian Hup Ling nih thlacampiaknak a ngeih hna. Chin Ramkulh Cozah chimrelnak nawl ngei le Sipin Vuanci U Soe Htet le Hakha siizung zunguk Dr. Mang Biak Kung, Penguk zung lutlai U Myint Oo le Khuami aiawh in Pu Cia That hna nih biachimnak an ngei.

Nihin FQ in a chuakmi pawl cu an khua an inn cio ah ah zarhkhat chung Hakha siizung tawlrelnak in Home Quarantine (HQ) in an um rih lai. Hakha College ahhin minung 51 an um nain 3 hi a hnu deuh ah a lutmi an si caah nithum tluk anmah lawng an um rih lai.

Hakha COVID-19 hrik in a nganmi Case 150 nih “dam lo ka um chung ka damnak caah thlacamnak in a ka dirkamhtu nan cungah ka lawmtuk. Nannih zong COVID-19 zawtnak a dih tiang damnak le hlawhtlinnak Pathian nih thluachuah in pe cio ko hna seh” tiah The Chinland Post ah a chim.

Tiphul khuami Pu Cia That nih COVID-19 hrik ka ngei suallai tiah mah lungtho te bak in minung 6 leng Quarantine kan rak lut. Nan kan zohkhenhnak cungah kan I lawmtuk. Cun Hmailei ah pakhat le pakhat thleidan um hlah seh, tutan COVID-19 hrik a ngei tiah nan timi nu hi lih a si. Tuluk in a rak tlunnak in a nu le pa he an ikuh an reh an ihnam, zei zawtnak zong hmuh a silo. US arak tlungmi Tedim pa zong, Malay pa zong. A pa le bang cu khuhhrik ngei in a zawmi a si. Hi riantuannak hi Lih bak a si tiah ka chim ngam. Zeihmanh sisehlaw ralrinnak caah nan kan kilve caah kan I lawm. Kakip in a kan bawmtu nan zapi cungah kan ilawm. Kanmah nih COVID-19 ral kan doh bantuk in aho paoh nih hi dohnak ah ibawm cio ko usih tiah zapi hmai ah a chim.

Tiphul khua ah a tlung colh ding minung 18 an si. Cu hna khua tiang an kalnak ding cozah lei nih motor an damh piak hna.

About The Author

Na ruahning rak langhter ve.. (Leave a comment)

%d bloggers like this: