Hakha-Gangaw Lam Ah Motor A Let A Mawngtu A Thi

Salai Bawi Lian Sang| TCP-Kalay| October 6, 2020| Chinram, Hakha khua in meng 24 a hlatnak ah Gangaw in Hakha lei a ra mi Forland motor MDY( 3Q/8315) cu October 5, zan 10:00 PM hrawng ah driver pa a mitku pah bu in a mawngh ruangah lam pi in pe(50) ah a tla i driver pa a thi tiah thawng theih a si.

Mah motor letnak ah Pengkulh Meithat zung bawi U Tiam Nuam Maung hruainak in meithat zung riantuan hna le mizaw phor motor (1) in an va chanh chuah hna. Driver U Naing Lin Oo hi a lu le a ke ah khon dennak hma he a thi i Hakha siizung ah a ruak an kal pi.

Driver U Naing Lin Oo cu Hakha palik zung nih upadi Pohmah(304/A) in a zizut ding in an tawlrel tiah peng kulh thawngzamhnak zung in theih a si. IPRD Hakha