Hakha Innhmun Thar Pek Mi Chungin July 30 Vawlei Hmun Peknak Nawl A La Lomi Paoh Hmun Chuh Than An Si Lai
Hakha innhmun thar samhmi
Salai Ngun San Aung| 2018 July 14| Hakha khuachung ah cozah nih innhmun thar a samhmi ekah 100 chung i innhmun a ngahmi 273 chungin cozah nih vawlei peknak nawl an chuahmi ‘ca’ zung ah July 30 a hnu bik lak ding le a la lomi paoh inn hmun chuh than dingin uknak zung le sipin nih July 12 ah thawngthanhnak an tuah.
Cu an thawngthanh mi ah cun, May 7 2018 in sangthar samhmi chungah inn hmuh a hmumi pawl vawlei hmun peknak nawl catlap peknak rian kan thawk cang. Innhmun a ngahmi 273 chungah tu tiang vawlei hmun peknak nawl ca a la lomi 51 nan tang rih. Cucaah tu thla dih ni July 31 tiang vawlei pek nak nawl ca nan rak lak nak lai thawng kan in thanh hna. Cun ca a la lomi paoah cu ramkulh cozah phu sinah an chuahpi pi lai i inn hmun pek cia mi chuh than nan si lai tiah an langhter.
Tuan deuh i vawlei hmun peknak nawl ca lak khawh a si cang timi thawng an rak thanh lio zongah sangkip khuabawi le upa sinin siseh, thawngthanhnak phu (Media) sin zongin siseh felfai tein thawngthanhnak rak tuah a si i a tu hi a voi hnihnak thawng an thanh than a si cang.+++
About The Author
