Hakha Innhmun Thar Samh Dingmi Hmun Rihlonhtu 73 Lakah 50 An Chekfel Cang Hna

0

Hakha lamzawhnak (Photo: TCP)

Salai Cung Cung|2019 March 12| Hakha Cawbuk sang innhmun thar samh dingmi ah hmun rihlonhtu minung 73 chung ah minung 50 hrawng an chekfel cang hna tiah theih a si.

“Hmun samh dingmi ah innhmun aa kulh, inn aa sakmi, hmun aa hakmi tibantuk  hmun rilonhmi an tamtuk, tu hi kan chek lio pi a si. Zeihmanh tehte a ngei mi an um lo, Lei a tuahmi pawl zong cu an um ve ko nain Upadi ning in a tuahmi cu an tuah ve ko lai nain an tuah lo nak tete zong dum an kulh dih le mah hna pawl kong kan ceih.  Tu hi kan chek liopi a si i minung 73 chung in 50 hrawng kan chek cang hna. Ningcanglo in hmun rilonhtu paoh cu upadi ning in cozah nih dantat an si lai. Zeitindah dantat an si lai timi cu a fiang rih lo. Tu hi kan chek liopi an si. Kan chek dih in cozah sin ah ca kan pek lai. March thla dih in hmun pawl hi fur tlak hlan ah i pe kho seh ti saduhthahnak kan ngei. Tu tiang ah hmun laakpiak le chuhmi an um rih lo. Hi pawl hi tha tein kan chekfel dih lai” tiah Pu Ral Kham nih The Chinland Post ah a chim.

Inhmun samh dingmi hi Ekah 676 an rak timhtuah. Cucu; Naypyidaw lei town planning thiamsang pawl nih an zohfel tikah anmah nih rak timhmi cu hmun nih a zat lo. Biaknak inn, sianginn, pumpululh chuihnak certual, Market tibantuk saknak ca hmun an chiahmi a tamtuk caah hmun nih a zat ti lo. Cucaah hmun tamdeuh in zoh than ding ah March 9 ah Chin ramkulh Chief minister le tuanvo  ngeitu nih an  zohfel than tiah tiah kan theih.

About The Author

Na ruahning rak langhter ve.. (Leave a comment)

%d bloggers like this: