Hakha Khrihfa Bukip Pumpululh Chuih Ah Ahodah Champion A Co Lai?
City Hunter| 2018 June 9| May 22 in thawkmi Hakha Khrihfabu kip (town churches) pumpululh chuih zuamnak semi final cu June 7 ah Free Methodist (FMC) le Chuncung an chuih i FMC nih 4-2 an tei hna. Cun June 8 ah Calvary Baptist Church le Senthang Baptist Church (SBC) an chuih i SBC nih 5-1 in an tei.
Hakha Khrihfa bukip fonh pumpululh chuih final cu Free Methodist Church le Senthang Baptist Church an chuih lai. Final cu June 11, suimilam 2:00pm, Vomtumaung certual ah an chuih lai. FMC hi nikum ah champion a co cangmi a si. Tukum tah FMC nih champion an co than rih lai maw ti hi mizapi nih an cuanh ngai cio hna tiah kan theih.
Tutan pumpululh chuih ah aa tel khomi zapi phu 15 an si. Hakha Town Churches Pumpululh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.
Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si.
About The Author
