Hakha Khrihfabu Kip Pumpululh Chuih A Nihnihnak Result; 3-0 In Gospel An Awng
City Hunter| 2018 May 23| May 22 in thawkmi Hakha Khrihfabu kip pumpululh chuih zuamnak cu a nikhatnak ah Free Methodist Church le Hniarlawn an chuih. A nihnihnak ah Gospel le Mara Evangelical Church (MEC) an chuih. Cun a puai hnihnak ah Grace le Mara Baptist Church (MBC) an chuih than. A nihnihnak tiang an chuih cangmi result cu;
May 22 ah Free Methodist Church nih Hnairlawn cu 8-1 in an tei hna. May 23 ni, a nihnihnak ni a puaikhatnak ah Gospel le MEC an chuih i Gospel nih 3-0 in an tei hna. A puainak ah Grace le MBC an chuih i 2-2 in an i tluk.
Tutan Hakha Khrihfabu kip pumpululh chuih zuamnak ah aa tel khomi hi Chuncung, Hniarlawn le UPC Olive telh in phu 15 an si. Tukum Hakha Town Churches pumpuluh chuih zuamnak ah groups pa 4 in an then hna; Cu hna cu;
Groups (A) ah; FMC, BCM, Oliver UPC, Hniarlawn
Groups (B) ah; Gospel, UPC, AG, MEC,
Groups (C) ah; CJC, RC, SBC
Groups (D) ah Grace, Chunchung, Calvary, MBC an si.
- Thaizing, May 24 ni cu suimilam 1:00pm ah UPC le AG, suimilam 3:00pm ah BCM le Olive UPC an chuih lai.
- 25.5.2018 suimilam 1:00pm ah RC le SBC, suimilam 3:00pm ah Chuncung le Calvary,
- 26.5.2018 suimilam 1:00pm ah FMC le Olive UPC, suimilam 3:00pm ah Gospel le AG,
- 28.5.2018 suimilam 1:00pm ah CJC le SBC, suimilam 3:00pm ah Grace le Calvary,
- 29.5.2018 suimilam 1:00pm ah MEC le UPC, suimilam 3:00pm ah Hniarlawn le BCM,
- 30.5.2018 suimilam 1:00pm ah MBC le Chuncung, suimilam 3:00pm ah RC le CJC,
- 31.5.2018 suimilam 1:00pm ah UPC le Gospel, suimilam 3:00pm ah BCM le FMC,
- 1.6.2018 suimilam 1:00pm ah AG le MEC, suimilam 3:00pm ah Olive UPC le Hniarlawn,
- 2.6.2018 suimilam 1:00pm ah Calvary le MBC, suimilam 3:00pm ah Chuncung le Grace an chuih lai.
Quarter final cu 2.6.2018 suimilam 1pm ah Groups (A) pakhatnak le Groups (C)
pahnihnkak an chuih lai, suimilam 3pm ah Groups (B) pakhatnak le Groups (D) pahnihnak an chuih lai.
5.6.2018 suimilam 1pm ah Groups (C) pakhatnak le Groups (A) pahnihnak, suimilam 3pm ah Groups (D) pakhatnak le Groups (B)pahnihnak an chuih lai. Semi final cu 7.6.2018 ah an chuih lai i final cu 9.6.2018 suimilam 2:00pm ah an chuih lai.
Hakha Town Churches Pumpuluh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.
Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si. Tukum avoi 2nak a chuihtu phu an tlawm deuhnak cu HBA member chungtel khrihfabu tamdeuh an chuih lo caah a si. Nikum ah Vomtumaung certual an rak hlan hna i an rak hlanh duh hna lo caah hmaikum lei cu cozah nih a tuahmi pumpululh chuih zuamnak ah HBA ramchung khrihfabu paoh i tel ti lo ding in biakhiahnak an rak ngeih ruang ah a si tiah kan theih.
About The Author
