Hakha khua ah cozah rianṭuan 2 cu CDF tha nan pek hna tiah an tlaih hna
The Chinland Post | 2022 May 25 – Chin ramkulh, Hakha khua i peng fim cawnnak zung ah rian a ṭuanmi Chief Officer pakhat le ramchung ngunkhuai zungah rian a ṭuanmi Deputy Chief cu Facebook cahmai ah CDF tha nan pek tiah an puh hna i May 24 ah SAC nih an tlaih hna tiah SAC leiṭang thawngzamh Fifty Two nih a langhter.
Tlaih a tongmi hna hi Peng fim cawnnak zung in Chief Officer Pi Vung Huai le ramchung ngunkhuai zung in Deputy Chief Pi Aye Aye Maw an si.
An pahnih in Facebook cahmai ah CDF thiltuah nan hnatlakpi hna, thawng dik lo nan thanh, CDF he pehtlaihnak hna nan tuah tiah an puh hna i an tlaih hna hi a si tiah theih a si.
About The Author
