Hakha khua Cawbuk gate kahdohnak ah SAC ralkap 5 an thi

0

The Chinland Post | 2022 October 24 – Chin ramkulh, Hakha khua in Senthang peng lei kalnak lam cungah a ummi SAC gate cu CDF-Hakha Battalion 2 (Senthang) nih October 21 zinglei ah an kah hna i SAC ralkap 5 an thi tiah Senthang Council nih a thanh.

October 19 ah SAC ralkap nih Drone in bom an thlak ruangah a nunnak a liammi Buanlung khua hngakchia 2 hna caah lehrulh chamnak a si tiah Senthang Council nih a thanh.

SAC ralkap pawl nih Cawbuk gate kahdohnak ah a thimi an hawile ruak pawl cu ralkap mawṭaw 2 le mawṭaw hme 3 in an rak lak hna tiah a thanh.

Kahdohnak chungah mipi hriamtlai phu pawl him tein an kir kho tiah theih a si.

About The Author

Na ruahning rak langhter ve.. (Leave a comment)

%d bloggers like this: