Hakha Khua Lutnak Check Gate Ah Swab Test Nak In Covid-19 Hrik Ngei mi (5) An Hmuh Cang

Hakha COVID-19 Check Gate/IPRD

Salai Bawi Lian Sang| TCP-Kalay| December 2, 2020| Hakkha peng Covid-19 pulral  runvennak committee nih Hakha  khua lutnak check-gate ah Thilphorh motor mawng Driver le hnuzual pawl cu minute (15) can pek in Rapid Test Kit tuah an si. November 30 tiang ah Hakha lutnak check gate Swab test nak in covid-19 hrik ngei minung (5) an hmuh cang hna tiah Chinram Tlunkalnak tawlrel zung lutlai U Saw Myint Lwin sin in  thawng kan theih.

Hakha lutnak check gate Swab test nak can zing 9:00AM –11:00 AM tiang, Zan lei 2:00 PM-4:00 PM tiang a can pahnih then in check khawh  a si. Swab voikhat check  nak ah kyat (10000) man pek  asi. Khuachung lutnak ah motor driver hna le  ramchung ramleng/ramthen in  lut mi hna cu facility Quarantine Ni(14) chiah in swab test tuah an si. Zawtnak hrik hmuhmi hna cu Facility Quarantine ah Swab test an tuah chap hna.

Facility Quarantine umnak kip ah Hrik thah si kap nak le thianghlinhnak zong tuah a si. Facility Quarantine alutmi pakhat ei-din nak ah Chinram cozah nih nikhat kyat (3500) cu ni 14 ei-dinnak ah kyat (49,000) cio in minung (14) ah Kyat ( 735,000)bawmhnak ah  a pek hna.

Chinram luhmuhzi zung nih kum (5) tang ngakchia hna le Kum (60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah.

Ref: Ministry of Health and Sports, Myanmar, IPRD/ Hakha pengkulh

Na ruahning rak langhter ve.. (Leave a comment)

%d bloggers like this: