Hakha Khua Lutnak Gate Check Pawl An I Ralring Ruang Ah Facility Quarantine Lutmi (100) Tiang An Phan

Salai Bawi Lian Sang| TCP-Kalay| 2020 September 30|Covid-19 pulral runvennak tawlrelnak thawng in Hakha khualutnak gate ah ngandamnak check le ramchung ramleng lut mi ralring ngai in an check hna caah September 29 ni tiang ah Quarantine lutmi (100) an tling cang tiah pulrai vunvennak committee sin in thawng theih a si.

Hakha pengkulh chungin ramchung ramleng lutmi Hakha University  Facility Quarantine ah Pa(24) le Nu(5), G.T.I Facility Quarantine ah Pa(24) le Nu (4), Nahtahlah sianginn Facility Quarantine ah Pa(33), Nu kutzum thiam cawnnak sianginn Facility Quarantine ah Nu(10) an dihlak ah Quarantine lutmi(100) an si tiah Hakha Covid-19 pulralvennak committee sinin thawng theih a si.

Ramdang Tuluk in a rami (5) le ramchung pengkip ramthen kip a rami(95) fonh in dihlak (100) an si. A dang Quarantine lutdingmi an kharh zong ah timhlamhnak a um dih cang. Facility Quarantine umnak kip ah Hrik thah si kap nak le thianghlinhnak zong tuah a si. Quarantine alutmi pakhat ei-din nak ah Chinram cozah nih kyat(35,000) cu ni 14 ei-dinnak ah kyat(49,000)bawmhnak a pek hna.Chinram luhmuhzi zung nih kum (5) tang ngakchia hna le Kum (60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah. Credit: IPRD Hakha

Na ruahning rak langhter ve.. (Leave a comment)

%d bloggers like this: