Hakha Khua Nunphung Le Ca Committee Hruainak in Hakha ah Tho Puai An Tuah Lai

Salai Bawi Lian Sang| TCP-Kalay| October 28, 2020| Hakha khua nunphun le ca committee hruainak in October 31, 2020 zan lei 5:00 pm, CACC zung ah Tho puai tuah a si lai tiah CACC Arts and culture Department chungtuan Rev. Dr. Khar Ling nih The Chinland Post ah a chim.

A tu Tho puai kan tuah ding hi mizapi sawn a si lo nak cu Covid-19 pulrai ruang ah a si. Tho puai can hmangnak ah Tho kong biatawi chimnak Pu Hrang Ceu le Rev. Dr. Khar Ling an si lai. Hla sa tu Zung Iang, Biak Tha Cuai le K.T Biak Hlei Par sawm an si. Cun Lai miphun nih kan ngeih mi nunphung konglam Video in hmuhsak nak a um lai. Tho Puai caah thla cam tu Rev.Dr. Za That (G.S-CACC) le Chairperson ah Pastor Lai Cung( Literature Secretary –CACC) hna an si te lai Dr. Khar Ling sin in thawng kan theih.

Tho puai tuahnak programme cu ramchung ram lei mipi nih zohkho ding in CACC page, Lian page, PT Local version le page dangdang hna in Live an tlaih te lai.

Tutan CACC zung ah Tho puai tuahnak ah Hakha khua nunphung le ca lei committee nih tuanvo lak in a tawlrel mi a si tiah thawng kan theih.