July 24, 2024

Hakha Khuachung Ah Ek Hlonhnak (septic tank) Khur An Tuah Cang

0

Salai Elvis| 2018 February 13| Hakha khuachung ah ek hlonhnak khur (septic tank) cu sipin hruainak in Haithlan a thlang ah a khur an tuah lio pi a si tiah thawng kan theih.

Hi ek hlonhnak khur cu peng 70 x 14 sang in an tuah lio a si. A tuni tiangah 70% an lim cang i tiah theih a si.

“Hakha khuapi nih kan herh tuk mi ek hlonhnak khur cu tukum budget in kan tuan chungmi zong a um cang. A ra laimi 2018-2019 kum budget ah ek dawpnak motor zong cawk kan timh. Mah hlan ah pumpak in tuan a duh mi an um ahcun kan pek hna lai i ek-inn a khat mi paoh kha a dawppiak hna lai i a tu kan sak nak khur ah cun a va thletpiak hna lai. A tu hi ek hlonh nak khur kan sak mi zong 70% cu kan lim cang. Inn khat ca i ek voikhat dawppiak man zong zeizat a si lai a fiang rih lo. Tender in kan auh te lai” tiah ramkulh sipin lutlai Pu Thla Hre nih TCP ah a chim.

Atu bantuk in Chin ramkulh khuahlipi pakhat ah a um bal rih lo mi ek hlonhnak khur cu sipin nih a voikhatnak an tuah a si.

Photo: The Chinland Post

About The Author

Na ruahning rak langhter ve.. (Leave a comment)