Hakha Khuachung Ah Phungninglo Zuu Zuar Siin Sing 70 Leng Man An Tlaih Hna

0

Hakha Palek nih Zu Tlaihmi Photo_ Hakha Palek Sakhanhmu

Salai Elvis| 2019 July 22| Hakha khuapi chungah phungning lo in zuu zuarmi hna si in Ks. sing 7,473,000 man zuu phunkip an tlaih hna tiah kan theih.

July 20, 2:00pm tluk ah phungning lo zuu zuarmi hna cu an um lo nakhnga ca le khamnak kongkau ah tuanvo ngeitu hna nih zohfelnak ngeih hnu ah Pu Chan Hre ‘Suili Restorent’, Pi Ngun Chin, U Tan Aye, Pi Dar Ki le Pu Sui Nawl Thang (minung 5) dawr le inn chungah phungning lo in zuarmi zuu cu tlaih an si.

Hi chungah Beer dur a tawimi (1456), Beer a dur saumi (665), Beer palang thol (597), zuu a pin mi dangdang thol (315), zuu laangtan thol le a dangdang zuu (539) a zapi (3,572) tangka fang in sing 7,473,000 man cu an hmuhchuah i an tlaih hna.

Mah hna pawl cu Hakha palek nih Pah (No.308, 309, 310, 311 le 312) ning le Chin Act Upadi 37 ning in dantat le tazacuai ding in an tawlrel hna lai. Chin Act Upadi 37 chungah License ngeilo in ramdang zuu a zuartu hna cu thla 3 chung rianhrang tuanter pin ah thongthlak asiloah tangka liamter maw a pahnih fonh zong in sualphawt khawh a si tiah kan theih.

(Ref:Hakha iprd)

About The Author

Na ruahning rak langhter ve.. (Leave a comment)

%d bloggers like this: