Hakha Khuathar Sang Pu Van Hup Inn A Kaang

0

Salai Cung| 2018 April 24| Hakha khuathar sang, CB Bank zungthen pawng ah Pu Van Hup inn cu April 23 zanlei suimilam 5:35 hrawngah a kaang tiah kan theih.

“Hi inn kangh cu coka rawlchumhnak electric in aa thawk, zinglei rawl ka chumh dih hnu electric mei zong ka hmang ti lo. Inn pawng ah ka va leng i kan inn pawng nu he bia kan i ruah lio pi ah kan inn chungin mei khupi a chuah cu inn pawng nih an hmuh. Nan inn kaang tiah a kan ti le ka lau tuk. A rannak in inn pawng ummi pawl nih a kan bawmh i mei cu kan hmih hmanh” tiah Pu Van Hup nupi nih The Chinland Post ah a chim.

Hi inn kangh cu rawlchumhnak coka tlawmpalte lawng a kaang. Mei phelh zung an phak hlan deuh ah innpa chakthlang nih an hmih manh tiah kan theih.

Tukum Hakha khuapi chung lawng ah innkanghnak voithum a chuak. March 25 chun, Pyidawtha sang, Bogyoke lam ah a ummi Pu Khar Nawn inn a kangh i an phelh manh than. Cun, April 2 chun ah Hakha, Dawrthar sang, Pi Mang Tin Ci te inn a kaang than i a zapite in a ciamh dih hlan ah an hmih manh than.

Tukum March le April thla chung lawng Hakha ah inn voithum a kaang, atu tan hi avoi thumnak a kangh si. Cun, India le Myanmar ramri a simi Rihkhawdar ah inn 8 zong April 16 zanlei ah a kaang tiah kan theih.

About The Author

Na ruahning rak langhter ve.. (Leave a comment)

%d bloggers like this: