Hakha le Falam Kanghuhnak A Tong Mi Hna Caah Hakha Mino Nih Tlawmsuk Bawmhhalnak An Tuah lai

Salai David Van| TCP-hakha| 2021 January18| Hakha,Falam kanghuhnak a tongmi hna caah hakha sangkip mino nih tlawmsuk bawmhalnak an tuahpiak hna lai tiah theih a si.

Hikong he pehtlai in tawlreltu chungin Salai Tluang Te nih “ Atu bantuk in inn kanghuhnak a tong mi Hakha, Falam kan unau hna caah tlawmsuk bawmhhalnak tuah mi January 18-25 tiang zarhkhat chung kan kholh lai. January 26 ah khin a hnu bik sangkip mino cio nih an hmuhmi phaisa an ap cio lai I cuticun harnak a tongmi chungkahr hna sin ah kuat an si te lai. Hi bawmhhal tlawmsuknak kan tuahmi hi Hakha Mino min in si i sangkip mino nih mah le sang cio tuanvo lak dingin kan timh. Cheukhat sang leh bang cu a thok colh mi hna an um cang. Hakha cu Chinram khualipi kan si bantuk in lungput pical kan neih ding le hibantuk chiatni kan ton caan ah kan i zuanhnawh awk hrimhrim a si timi ruahnak he kan thoknak a si tiah” TCP ah a chim.

Hi bawmhhalnak kong pehtlai in Chin Oo Sii Mino Secretary Salai Daniel Van Bawi Tha Tluang nih Hi bawmhhalnak kongah kanmah sang cu nizaan EC biachahnak in tuzaan lei cun thok colh kan timh. Kan Sang hi sangthen (4) kan um I mahle sangthen information le hruaitu hna nih tuanvo laak in kan kholh colh lai tiah TCP ah a chim.

Atu bantuk in inn kanghnak ruangah harnak a tong mi hna hi inn a kangh taktak mi hi cu Hakha ah inn 3 falam ah inn 6 an si nain falam inn kangh ruangah inn thehpiakmi inn8 an si i an za tein inn dawng 17 an si tiah theih a si.