Hakha le Falam karlak kahdohnak ah CNA ralkap 2 an nunnak a liam

0

The Chinland Post | 2022 March 2 – Falam in Hakha lei ah a rak raami ralhraang mawtaw thluan 20 leng le tank 2 cu Chinland Defense Force (CDF) le Chin National Army (CNA) hna fonh in an kah hna. Cu kahdohnak ah, CNA ralkap 2 nih ram caah an nunnak an pek tiah theih a si. Ralhrang lei zong hliamhma a pumi an tam ve tiah theih a si fawn.

A tutan kahdohnak ah a nunnak a pemi hna hi Salai Van Bawi Bik le Salai Za Hnin an si. Salai Van Bawi Bik cu Thantlang peng Dawn khuami a si i, Salai Za Hnin cu Ralpel khuami a si tiah kan theih.

Ralhrang pawl Hakha lei an rat pah ah Ṭaal khua mipi inn hna cu an bauhpiak hna i an thil pawl an fir leng ah Dokṭhek khua cu zaanlei sml 5:00pm hrawngah an khangh chap tiah theih a si.

About The Author

Na ruahning rak langhter ve.. (Leave a comment)

%d bloggers like this: