Hakha Le Thantlang Kar Ah Tangka Kyats Sing(17) Chuhnak A Um

Thantlang le Hakha Kar Aung Aung Sing 17 An Chuhnak Hmunhma le Thilri Pawl/IPRD Thantlang

Salai Bawi Lian Sang| TCP-Kalay| December 17, 2021| Chinram Hakha le Thantlang kar lak ah January 16, 2021 ah tangka sing(17) chuhnak a um tiah thawng theih a si.

“U Aung Aung kum (32) cu Hakha in Thantlang lei Kunya thilril zuarnak tangka leiba hal ah a kal. January 16 ni zan lei 2:45 minute ah Thantlang in Hakha lei a rak kir lei Thantlang in mile (9) a hlatnak ah mintheih a si lo mi minung pa(3) nih Aung Aung a citmi motor cycle cu lam an kham an dir ter lio ah minung(3)lak ah pakhat nih a hnawng a ret i pakhat nih nam he a dir hnawh. A dang pakhat nih an rak i citmi motor cycle(hmailei cover umlo) cu lam in orhlei lolam kalnak lam lei farlong 2 hrawng an kal pi. Mah cun an thut ter i a kut pahnih cu kehlei ku  hnu lei ah Tape  aihre in a tem i  a mur zong Tape aihre in an tem chih hnu ah tangka sing(17) an chuh tiah Thantlang peng Myomah Palik sakhan in thawng theih a si” tiah IPRD Thantlang nih an page ah an langhter.

“Aung Aung zong Thantlang ah a herhmi biahalnak kan tuah cuahmah lio a si. Minung (3) hi kum no ngakchia minung cu an si lo. Thil sining kan van hlat cuahmah lio a si” tiah Thantlang Palek Sakhan Hmu Kyaw Naing Oo nih The Chinland Post ah a chim.

Mah thilthalo a tuah tu minung(3) cu Thantlang peng Myomah Palik sakhan nih (Pah)3/2021/ pohmah 392 in azizut ding in hlathlainak an tuah tiah theih a si. Crd: IRPD/Thantlang + TCP hlatmi

Na ruahning rak langhter ve.. (Leave a comment)

%d bloggers like this: