Hakha-Mann Gate Nih Thlakhat Voikhat Thantlang  Le Hakha Peng Miharsa Mi Bawmhnak A Pek Hna Lai

Salai CungCung| 2019 October 8| Hakha-Mann Gate nih October thla thawk in Hakha peng le Tlantlang peng  chungah mizaw le miharsa chungkhar pa 5 cio in thlakhat voikhat bawmhnak a pek hna lai tiah kan theih.

“Tu October thla in kan thawk cang. Hakha le Thantlang pengtlang chung in a damlo mi le harsa deuh in khuasami hna caah tu thla thok in minung kan thim hna lai i thlakhat voi khat Hakha peng in chungkhar pa 5,Thantlang peng in chungkhar pa 5 tiin kan thim hna lai i tangka Sing 1 cio bawmhnak kan pek hna lai. Hakha le Thantlang peng chungin minung 30 hna nih an sok ah cun kan pu nih a zohfel than lai i a mah nih pek ding a si, a nih hi cu a harsa deuh ko tiah a thim mi kha Thantlang peng in minung pa 5, Hakha peng in minung pa 5 tiin thlakhat voikhat kan pek hna lai. Cun a ngah rih lomi zong a hmaithla lei ah pek than khawh an si. A sok cia mi le bawmhnak a hmu cang mi zong nih sok than peng khawh a si” tiah Hakha-Mann Gate in tuanvo ngeitu LiLi Aye nih The Chinland Post ah a chim.

“An sok ning pawl cu, an inn chungkhar lei in  dam lonak le an harsanak kong kha tha tein an tial lai i an mah le Khirhfabu Pastor si lo le an sang khuabawi min thutnak telh in kan sin ah ca an pek lai. Hmailei ah zeitik tiang kan tuah lai ti cu a um lo, kan tuah khawh tiang thlakhat voikhat kan tuah peng ko lai.Hi bantuk kan tuah hnawhchannak a ruang bik cu, kan mah bantuk miharsa mi tete hi bawmh cio hna usih ti ruahnak he bawmh mi hi a si ko. Ahlan ah hin Senthang peng zong ah a rak tuah bal cang nain pakhat khat tlamtling lonak tete um ruang ah a rak ngol chun hi a si” tiah a chim chap.

Hakha-Mann Gate nih promotion tuah mi cu, a hlan ah Yangon to Hakha hi 35000 a si i rawl an dangh hna. Nain zapi a cheukhat lampi ah rawl ei kho lomi an um pah caah 30000 in an lak hna i 5000 hi promotion caah an tuah piak hna tiah kan theih

Hakha-Mann cu direct Yongon to Hakha cun October 14 thawk in Mandalay to Thantlang a kal cang lai. Thantlang in zaanlei suimilam 2pm in aa thawh lai. Mandalay in zaanlei suimilam 5pm in a rak i thawh ve lai. Motor cit man cu Yangon to Hakha 30000, Madalay to Tlantlang 18000, Mandalay to Hakah 15000 a si lai tiah kan theih.

Leave a Commnet

%d bloggers like this: