Hakha Market Cu Ramkulh Sakremhnak Zung Nih An Sak Cang Lai

0

Salai Elvis| 2018 May 21| Chin ramkulh Hakha khuapi Myoma Market cu ramkulh sakremhnak zung nih tuthla chungah sak dingin rian an thok cang lai tiah tuanvo ngeitu pakhat nih a chim. 

“Ramkulh sakremhnak zung a simi sakremhnak ah hawihlei in a thiammi (a-thu a-phuiah- 9) hna nih an sak lai. Atu hi hmunhma zong an thianh colh lai i, a herhmi ca zong an tar colh cang lai. A tu hnu thlali chung cu an rau lai nain a rannak deuh tu in kan sakpiak u kan ti hna. A fek bikmi a ritmi thilri vialte a ing khomi Foundation an chiah lai i fekte le dawh tein an sak lai. Nai te ah rampi sakremhnak zungpi Director le ramkulh Director te he tha tein hnatlaknak kan ngei cang” tiah ramkulh sipin lutlai Pu Thla Hre nih TCP ah a chim.

Hakha market sak dingmi design

Hakha Myoma Market cu ramkulh tuanvo ngeimi hna nih Excel Design Company sak ding in tuanvo rak pek an si nain an rian an tlamtlinh lo caah a Foundation an chiahka in an hrawhter colh hna i atu bantuk in ramkulh sakremhnak zung nih sing 9,300 dih in sak an timh hi a si.

Hi Market thar sak duh ah thil a rak zuarmi hna cu Pu Kio Mang certual ah 2017 October 18 hlan ah rak thialter an rak si. A karlak ah thilzuartu hna lung i hmuhthiam lonak zong a rak chuak bal i Pyidawtha lamkam ah tisik ann-hnah a zuarmi pawl cu Kio Mang certual ah phungning in thil a zuarmi hna nih an rak report bal hna tiah theih a si.

Hakha Myoma Market an sak ding cu pe 120×80 dot thum le cheu in sak a si lai i dawrkhan 110 tluk a um lai tiah theih a si.

About The Author

Na ruahning rak langhter ve.. (Leave a comment)

%d bloggers like this: