Hakha-Matupi Pyidaungsuh Lampi Lungno Phah Lo Dingin Ralrin An Pek

0

Salai Elvis| 2019 March 19| Pyidaungsuh lampi a simi Hakha-Matupi lam phah ding ah an hmanmi cheukhat cu lungno deuh an si caah Matupi mino bu hna nih fakpi in an doh tiah kan theih.

Matupi peng Ngalang khua pawng hrawng Kat-ta-za toihnak ding caah lung phah ding cinh 8, U Ngai Lian nih a thlak mi hna cu Quality tha lo (lungno) a si caah lamlei tuanvo ngeitu J.E – Salai Calvin nih Matupi mino cu zohfelnak tuah dingin thawng a thanh hna.

phah ding in  an laakmi lungno

Matupi mino tuanvo ngeitu hna nih zohfelnak an tuah tikah phah ding a si cangmi lung cu  Quality tha lo (lungno) a si caah phah lo dingin an kham hna tiah CHRO sin in theih a si.

phah ding in an laakmi lungno

U Ngai Lian i lung a laknak hmun cu zohfelnak an tuah tikah Quality tha lo (lungno) pawl cu lak lo ding, a tu lam phahnak zawn ah hman lo ding le an hman sual ah cun cunglei tuanvo ngeitu sin ah report tuah a si lai nak kong Matupi mino bu nih ralrin an pek.

Atu bantuk in 2018 kum lio ah Pyidaungsuh lampi a si pin ah India-Myanmar pehtaihnak pakhat a si mi Saisihchuak lam pi zong lungno an rak phah ve caah tuanvo ngeittu hna nih zohfelnak an tuah hnu hna ah an hlonhter dih than hna tiah kan theih.

Ref:Khonumthung,TCP

About The Author

Na ruahning rak langhter ve.. (Leave a comment)

%d bloggers like this: