Hakha Mizaw He Neihniam In Um Mi Hakha Le Thantlang Ah Minung 90 Quarantine An Chiah Hna

0

Thantlang khua ah Quarantine an chiahnak hna hmun; Photo iprd thantlang

TCP-Thantlang| 1 May 2020| April 29 ni ah Hakha khua ah COVID-19 zawtnak hrik hmuhmi nu he motor aa cit ti tiah ruah mi hna le neihniam in a thudir mi hna Hakha le Thantlang in minung 90 tiang Quarantine an tuah dih hna tiah tuanvo ngeitu hna sin in theih a si.

Hakha peng Tiphul khua le Hakha khuachung a um kalnak le aa neihniam mi  minung 50 hna pin ah a mah he Kalay myo in Hakha-Thantlang mi he motor aa cit ti hawi tiah ruah mi hna Thantlang peng in minung 8 pin ah an chungkhar cio in minung 35 hna cu ni 21 chung Quarantine an tuah hna lio a si.

Thantlang khua Quarantine an chiahnak hna; (Photo:iprd Thantlang)

“Mizaw umnak khua chungkhat hna le Hakha khuachung ah a um kalnak chungkhat le hawikom minung 55 hna cu April 30 zanlei tiangah, Hakha College sianginn ah chiah dih an si cang. Mah pin ah hi nak in mimung an karh kho rih, kan hlathlai lio zong a si.”tiah sipin vuanci U Soe Htet nih TCP ah a chim.

Thantlang khuachung zong ah mizaw nu he motor aa cit ti tiah ruah mi minung 8 hna cu April 29 ni ah Quarantine tuah an si cang i minung 8 hna i an mah he aa pehtlai mi chungkhar zong April 30 ni ah  Quarantine tuah an si ve cang. An dih lak minung 35 ngiatthlai an si i cu chungah minung 4 zong  zawtnak ngeh le ngeih lo an Yangon ah swab an kuat lio hna a si.

“Minung 8 pin ah an chuangkhar cio he a dihlak minung 35 Quarantine chiah an si. Cuchung ah Na-ta-la sianginn ah hin minung 30 chiah an si i, siizung ah minung 1 le Hom Quarantine in minung 4 chiah an si hna.”tiah Thantlang siizung tuanvo ngei tu Dr. Van Lian Hum nih TCP ah a chim.

Thantlang khua Quarantine an chiahnak hna; Hrik thahnak an kah piak lio hna(Photo:iprd Thantlang)

Hi minung 8 hna chungah a tam deuh cu  Thantlang khuachung sangthen No.2 ah a um mi deuh an si i micheu cu Sangthen No.1 le Thantlang peng khua te zong ah minung 2 a thudir mi an um i an mah le an chungkhar tiang in Quarantine an chiah dih ve hna tiah theih a si.

About The Author

Na ruahning rak langhter ve.. (Leave a comment)

%d bloggers like this: