Hakha Motor PK Nih Motorcycle 100 Leng An Tlaih Hna
TCP-Online| 2018 September 20| Chin ramkulh khualipi Hakha khuachung ah phungninglo in motorcycle aa citmi an tlaih hna i September 18 ni lawngah motor PK nih cycle 100 leng an tlaih hna.
Khualipi Hakha khuachung ah phungning lo cycle citmi; lukhuh khuh lo, license ngei lomi hna cu motor PK nih lam kam ah bawh in an tlaih hna i September 18 ni lawngah cycle 100 leng tlaih a sinak Hakha Information zung in an FB ah a langhter.
Hakha khuachung ah hin phungning tein cycle cit ding le license ngei lomi pawl cit lo ding in motor PK nih cun mipi sin ralrinpeknak an tuah hnu ah July 2 thok in upadi ning in tlaih hram an thok cang ti kan theih.+++