Hakha pawng kahdohnak ah SAC ralkap 3 an thi, hliamhma a tuarmi zong an um tiah CDF-Zophei nih a thanh
The Chinland Post | 2022 August 3 – Chin ramkulh, Hakha khua pawngkam ah Timit hlei remhding le hmunhma lak beh ding in aa thawhmi SAC ralkap le Chin hriamtlai phufonh karlak August 3 (nikhat) kahdohnak ah SAC ralkap 3 an thi i hliamhma a tuarmi zong an um tiah theih a si.
August 3 kahdohnak hi hmun tampi ah caan tawi tete in a chuak i kahdohnak ngan hi zaanlei sang ah voihhnih a chuak nain SAC ralkap lei a thimi zat a fiang in theih a si lo. SAC ralkap nih hriamngan tamtuk an hman caah naih ngam an si lo i SAC ralkap pawl zong an umnak hmun in an chuak/ṭhial lo tiah CDF-Zophei nih a thanh.
July 31 in August 3 tiang kahdohnak pehzulh in a chuak rih ko i SAC ralkap pawl zong an kir rih lo caah CDF hriamtlai phufonh zong nih chunzaan din loin an bawmh ko hna tiah theih a si.
Tutan Hakha pawngkam kahdohnak ah CJDC, CDF-Hakha, CDF-Thantlang, CDF-Zophei, CDF-Lautu le CNA hna fonh in SAC ralkap an doh hi a si tiah theih a si.
About The Author
