Hakha Peng Ah Covid-19 Zawtnak Ngei 10 Chung In 9 Nih Damnak An Hmuh

Hmanhtlak/IPRD

Salai Bawi Lian Sang| TCP-Kalay|November 17, 2020 |Hakha peng Covid-19 pulral runvennak tawlrelnak committee  thawng in Hakha khualutnak check-gate ah  ramchung ramleng lut mi le thilphorh motor mawng Driver le hnuzual pawl cu ralring tein an check hna. Mah hna chung in lunghringh mi le Rapid Test nak in hrik hmuhmi hna cu Facility Quarantine ah swab test an tuah chap hna. November 16 ni tiang ah covid-19 hrik ngei minung(10) an hmuh i minung(9) cu siizung in an chuak cang. Nihin ah nu (1) lawng sii thlop a si  tiah pulrai vunvennak committee sin in thawng theih a si.

COVID-19 Syptoms/ Monwya Gazette

Hakha pengkulh chungin ramchung ramleng lutmi Hakha University  Facility Quarantine, G.T.I Facility Quarantine, Nahtahlah sianginn Facility Quarantine, Nu kutzum thiam cawnnak sianginn Facility Quarantine hmun (4) ah November 16 ni tiang minung (93)  an um tiah Hakha Covid-19 pulralvennak committee sinin thawng theih a si.

Facility Quarantine umnak kip ah Hrik thah si kap nak le thianghlinhnak zong tuah a si. Facility  Quarantine alutmi pakhat ei-din nak ah Chinram cozah nih nikhat kyat(3500) cu ni 14 ei-dinnak ah kyat(49,000)bawmhnak a pek hna. Chinram luhmuhzi zung nih kum (5) tang ngakchia hna le Kum (60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah. Credit: IPRD Hakha

Na ruahning rak langhter ve.. (Leave a comment)

%d bloggers like this: