Hakha Peng Chin National League for Democracy In MP Aa Cuh Dingmi An I Fiang Cang

Photo By; Chin National League for Democracy - Hakha Township FB Page

TCP- Hakha– Chin National League for Democracy (CNLD) in Hakha peng ah aa cuh dingmi hna cu tuni ah thimnak an tuah i MP aa cuh dingmi hna zong an i fiang cang.

CNLD Hakha peng in MP aa cuh dingmi hna cu:-

Pyithu Hluttaw

Pu Robin

Amyotha Hluttaw No. 1

Dr. Ram Ceu Hnin

Amyotha Hlutaw No. 2

Pu Chan Tin Mang

Pyine Hlutaw No. 1

Salai Van Chan Ceu

Pyine Hluttaw No. 2

Pu Siang Mang

hna an si.

EC upa pakhat nih miphun pakhat kan si bantukin Pathian nih ‘Ram, Miphun, Nunphung, Caholh’ tlingte in a kan pek ve i mah kan ngeihmi cu miphun dang nih hrawhpiak le chuh kan si. Mah cucu ngeih than ding ah Pathian nih CNLD cu an kan thimmi a si tiah a chim.

“Chin miphun le Chinram a dawtu dihlak nih Chin Party (CNLD) tha pek cio ding ah upatnak he kan in sawm hna,” tiah CNLD upa pakhat nih The Chinland Post ah a chim.

Tuni mee pek lio. Photo By; Chin National League for Democracy – Hakha Township FB Page

CNLD Haka peng in aa cuh dingmi hna min cazin an pekning tein tuni ah mee thlaknak in thimnak cu an tuah hna. MP cuh ding in min cazin a pemi hna cu:

Pyithu Hluttaw in Pu Robin le Pu Ngun Maung, Amyotha Hluttaw No. 1 in Pu Reubin le Dr. Ram Ceu Hnin, Amyotha Hlutaw No. 2 in Pu Chan Tin (cuhtu um lo), Pyine Hlutaw No. 1 in Pi Sung Zi Mang, Pu Tluang Ceu le Salai Van Chan Ceu le Pyine Hluttaw No. 2 in Pu Siang Mang (cuhtu umlo) hna an si.

CNLD nih phunghram an ngeih bantuk in tuni ah mee peknak in a tlingmi MP aa cuh dingmi hna cu CNLD CEC ah an kuat hna lai i mah CEC lawng nih a hnu bik phungningte in thanhnak a tuah te lai tiah kan theih. +++

Na ruahning rak langhter ve.. (Leave a comment)

%d bloggers like this: