Hakha Peng Chung Facility Quarantine Ah Minung(34) An Um

0

Salai Bawi Lian Sang| TCP-Kalay| September 11, 2020| Chin ramkulh Coronavirus Disease 2019(COVID-19) pulrai runven committee le Ngandamnak le Lentecelhnak Ministry  thawngthanh ning in Hakha peng chungah Ramdang le ram chung in a ra mi hna cu September 9 ni tiang ah Facility Quarantine ah a lutmi (34) an si tiah Hakha peng(COVID-19) pulrai vennak committee in thawng theih a  si.

Mah Facility Quarantine a lutmi (34) hna hi India ram in a rami pa(2) Tuluk ram in pa(1) le ramchung in a lutmi pa (23) le Nu(8) an si hna. Mah minung (34) cu G.T.I sianginn ah minung (32), Hakha University ah mi(2) chiah an si i a voikhatnak Swab zohchumhnak  lak cangmi(7) le a voihnihnak Swab zohchumhnak lak ding mi le Swab zohchumhnak lak rih lo mi hna cu Hakha sizung in siibawi nih Swab zohchumhnak lak ding in an tawlrel cuahmah. Swab zohchumhnak voihnih tiang lakh nu (COVID-19) hrik a ngeii lomi hna cu ni(21) tlin hnu ah inn lei tlungter an si lai. Cun Inn erh (Home Quarantine ni-7) um ter an si rih lai. Facility Quarantine a um mi hna cu Hakha peng (Covid-19) pulrai runvennak committee le khuachung mino volunteer hna komh in an zoh khenh hna.

Hakha peng Facility a um mi hna ei din kong ah Chin ram cozah zung nih mipakhat nikhat caah Kyat 3000 in ni (21) tiang kyat (73,500) bawmhnak an pek.

Chin ramkulh Cozah Zatlang zung nih kum 5 tang ngakchia le kum (60) cung upa pakhat ah kyat 30,000 an pek hna tiah Hakha peng (COVID-19) pulrai runvennak committee in thawng kan theih.

Myanmar ram chung ah September 11, zing 8:00PM tiang ah COVID-19 zawtnak a ngei minung 2265, a thi mi(14) an si. Yangon ramthen  minung (1053), Rakhine ram kulh minung (676) Chin ramkulh minung (15) le Kayah ramkulh ah COVID-19 zawtnak hrik nihin tiang an hmu rih lo.

About The Author

Na ruahning rak langhter ve.. (Leave a comment)

%d bloggers like this: