Hakha peng kahdohnak ah SAC ralkap 30 an thi

The Chinland Post | 2022 April 25 – Magway ramṭhen, Gangaw lei in a rak kaimi SAC ralkap le CDF, CNA cu Hakha peng chungah kahdohnak a chuak i SAC ralkap lei in 30 an thi i tampi nih hliamhma an tuar tiah CNA sin in theih a si.

April 23 zaanlei 4:30pm hrawng ah Lungcuai le Lamtuk khua karlak ah sml 1 chung kahdohnak a chuak.

“Hramhram in uknak lak a si hnu ah SAC ralkap nih thazang tampi in an rak luh hi a voihnihnak a si cang” tiah CNA biachimnak nawl a ngeitu Salai Htet Ni nih Mizzima ah a chim.

A tu kahdohnak hi CNA le CDF-Hakha fonh in an kahmi hna si i kahdohnak hme tete nifatin ngawt in a chuak ko nain a ruang tampi ruangah thawngthanh colh khawh a si lonak hi a si tiah a chim.

February thla chung zongah SAC ralkap thazang 200 hrawng Kalay in Hakha lei ah an rak kai i Kalay-Hakha lam cungah CNA le mipi hriamtlai phu hna nih voi tampi an bawh (ambush) hna i SAC ralkap 100 hrawng an thi tiah Salai Htet Ni nih a chim.

SAC ralkap thazang a cheu hrawng lawng Hakha khua an lut kho. Hakha in Gangaw lei ah an ṭum ṭhan i thazang an i chap ṭhan hnu ah Hahkha lei ah an rak kai ṭhan hi a si.

Falam in Hakha lei ah a voikhatnak thazang 200 in eidin a rak chanmi SAC ralkap mawṭaw 27 le tanks 2 cu February 27 in March 7 tiang CNA le CDF nih voi 15 an bawh (ambush) hna caah meng 41 aa hlatmi cu zarh khat leng an rak rau.

Na ruahning rak langhter ve.. (Leave a comment)

%d bloggers like this: