Hakha peng ni 3 chung kahdohnak ah SAC ralkap 6 an thi
The Chinland Post | 2022 August 9 – Chin ramkulh, Hakha pawngkam ah SAC ralkap le Chin hriamtlai phufonh karlak August 6-8 tiang kahdohnak ah SAC ralkap 6 an thi tiah theih a si.
August 6 ah SAC ralkap pawl cu an umnak horkuang ah chuakngam loin hriamngan kah thlorh in an kah. Chin hriamtlai phufonh nih an umnak horkuang chungah drone in bom voi 3 an thlak hna i Sniper nih pakhat thi lakin a kah i hliam a tuarmi zong an tam tiah Hakha Campaign For Justice nih a thanh.
August 7 ah ah SAC ralkap pawl nih mipi hriamtlai phufonh voi 2 a nam hna i Hakha hrambunh LIB 266 zong nih hriamngan in voi 15 kah a bawmh hna. Kahdohnak chungah SAC ralkap 3 an thi, Sniper nih 2 a thah hna i hliam a tuarmi zong an tam tiah theih a si.
August 8 zinglei sml sml 7:06am ah Hakha palik sakhaan pawngah a ummi Cazinsit zung cu mipi hriamtlai nih an kah i SAC ralkap 2 hliam an si tiah a langhter.
Caan saupi chung kahdohnak ah mipi hriamngan lei an him tiah theih a si.
About The Author
