Hakha PK Nih Accident Tlawm Deuhnak Ding Ah Cycle Hnu Lei le luchinh ah Sticker An Benh Piak Hna
2019 January 9 zing sml 10 ah Hakha Chin Oo Sii sang , zungkipfonh hmai ah Hakha PK nih accident tlawm deuhnak ding caah Cycle hnu lei le Cycle luchinh ah sticker an benh piak hna tiah kan theih.
“Hi bantuk sticker kan benh nak a ruang cu zanglei sang khuamuai lai le zang ah hin a accident a tam khun, cucaah hi sticker hi muai lak a ceu mi a si caah Cycle mawngtu nih hnu hmai I hmuh khawhnak caah tiin kan benh piak hna hi a si. Hi sticker benh hnu cun accident zong a tlawmter deuh lai tiah kan ruah” tiah Hakha PK bawi Ko Ko Mawng nih TCP ah a chim.
“Cycle hi seh zung lei in an chuah ka ah cun hi bantuk a ceutleu mi sticker ai tel nain caan sau hman hnu in a rawk dih, cun Cycle tam deuh hi a um ti lo caah atu bantuk in sticker thar kan benh piak hna hi a si. Cycle mawngh tik ah hin zuri lo tein le Cycle luchinh he mawngh peng a herh. Cycle accident a tam khun nak cu zanlei sang mui le zang mui lak hin a tam khun, zei ca tiah a mawng tu pawl nih hnu lei in tha tein an hmuh khawh hna lo caah I pahnak hi a tam khun , cucaah cycle accident tlawn deuhnak ding caah hi Sticker kan benhpiak hna hi a si” tiah a chim chap.
Hi Cycle sticker an benh piak mi hna cu Hakha Chin Oo Sii sang , zungkipfonh hmai ah a si I zing suimilam 10 in benh hram an thawk. Hakha chung um Cycle a ra mi poh zapi tein an benh piak hna tiah kan theih.
About The Author
