Hakha Pyidawtha Market Pu Ro Thang Minsak Ding In Bia An Khiah Kho Rih Lo

0

Salai CungCung| 2019 October 17| Hakha Pyidawtha Market cu aa lim pah cang ko nain Pu Ro Thang minsak ding lo ai fiang rih lo tiah kan theih.

“Hi Phidawtha Market min sak ding ah hin keimah duh ning ah cun Pu Ro Thang Market tiin min sak ko hna sehlaw ti ka duh. Pu Ro Thang cu hlan lio ah mifim pakhat zong a si i rak bochan mi kan pa a rak si. Cu leng ah a mah hmun hrim zong a si caah a min te sak ko seh ti ka duh. Thlanglei Market zong khi Pu Ral Dum Market kan ti ko caah a mah min tein  Pu Ro Thang Market tiin sak seh ti ka duh” tiah Chin ramkulh Sipin Director hlun Pu Thla Hre nih The Chinland Post ah a chim.

“Hakha Pyidawtha Market min saknak ding caah meeting tuah lio ah hin, a duh an um i a duh lomi zong an ve caah biakhiahnak an tuah kho rih lo. Sipin lei nih biakhiah te lai” tiah a chim chap.

Hakha Market cu 2017 in sak hram an rak thokmi a si cang nain Cozah lei nih Tender an pekmi ningcang deuhlo a si caah a thar in an thawk than I 2019 kum November thla chung ah sak dih in December thla chung ah lim dih in le thil zuarnak ah hman khawh ding in timhtuahnak an ngei tiah kan theih.+++

 

About The Author

Na ruahning rak langhter ve.. (Leave a comment)

%d bloggers like this: