Hakha-Thantlang Karlak Kahdohnak Ah SAC Ralkap Hriam Cheukhat CNA, CDF Nih An Lak Khawh
The Chinland Post | 2023 June 5 — Hakha le Thantlang karlak, Timit pawnghrawng kahdohnak ah SAC ralkap hriam cheukhat CNA, CDF phufonh nih an lak khawh tiah The Chin Journal nih a langhter.
SAC ralkap pawl nih Hakha peng, Timit pawnghrawng in Thantlang khua lei ah May thla dongh hrawng thawk in vawlei lei, vanlei le hriamngan hna bawm in kahdohnak fak pi in a tuah.
May 19 in June 4 tiang kahdohnak chung ah SAC ralkap 30 nak tlawm lo an thi lai tiah mipi hriamtlai phu lei nih an ruahdamh i SAC ralkap 15 hrawng Hakha siizung an phan lai tiah a langhter.
Kahdohnak chung ah SAC ralkap meithal, kuan, Drone, Grenade le adang raltuknak thilri cheukhat zong mipi hriamtlai phufonh lei nih an lak khawh tiah theih a si.
About The Author
