Hakha Town Church Pumpululh Chuih Zuamnak A Niruknak Tiang Result

0

City Hunter| 2018 May 28|  May 22 in thawkmi Hakha Khrihfabu kip pumpululh chuih zuamnak cu a niruknak tiang ah puai 11 an chuih cang. Group A in Free Methodist le Group B in Gospel hi puai khat veve chuih ding an ngei rih nain an sungh zong ah annih cu Group in an awng/ an kai cang. Cun, group C in Senthang Baptist Church (SBC) zong group in an kai cang. Niruk tiang an chuih cangmi result cu a tanglei bantuk in a si.

May 22
Free Methodist Church 8-1 Hniarlawn
May 23
Gospel 3-0 MEC
Grace 2-2 MBC
May 24
UPC 0-0 AG
Believer 2-1 Olive UPC
May 25
SBC 2-0 RC
Calvary 4-1 Chuncung
May 26
FMC 6-3 Olive UPC
Gospel 2-1 AG
May 28
CJC 0-4 SBC
Calvary 2-2 Grace

Group in Free Methodist Church cu puai khat chuih ding an ngei rih. Asinain a tangmi puaikhat an sungh zong ah Group A in an awng cang. Cu bantuk in Group B in Gospel zong puaikhat chuih ding an ngei rih nain a taangmi puaikhat an sungh zong ah Group B in an awng ve cang. Believer (BCM) hi puai hnih chuih ding an ngeih rih. May 29 ah Hniarlawn he an chuih lai i BCM nih an tei hna si ahcun BCM zong Group A in an awng ve cang lai. Group C in Senthang Baptist Church (SBC) zong group in an awng cang.

May 29 chun hnu ah an chuih dingmi le a tang rihmi puai sin hna cu a tanglei bantuk in an si.
• 29.5.2018 suimilam 1:00pm ah MEC le UPC, suimilam 3:00pm ah Hniarlawn le BCM,
• 30.5.2018 suimilam 1:00pm ah MBC le Chuncung, suimilam 3:00pm ah RC le CJC,
• 31.5.2018 suimilam 1:00pm ah UPC le Gospel, suimilam 3:00pm ah BCM le FMC,
• 1.6.2018 suimilam 1:00pm ah AG le MEC, suimilam 3:00pm ah Olive UPC le Hniarlawn,
• 2.6.2018 suimilam 1:00pm ah Calvary le MBC, suimilam 3:00pm ah Chuncung le Grace an chuih lai.

Quarter final cu 2.6.2018 suimilam 1pm ah Groups (A) pakhatnak le Groups (C)
pahnihnkak an chuih lai, suimilam 3pm ah Groups (B) pakhatnak le Groups (D) pahnihnak an chuih lai.

5.6.2018 suimilam 1pm ah Groups (C) pakhatnak le Groups (A) pahnihnak, suimilam 3pm ah Groups (D) pakhatnak le Groups (B)pahnihnak an chuih lai. Semi final cu 7.6.2018 ah an chuih lai i final cu 9.6.2018 suimilam 2:00pm ah an chuih lai.

Hakha Town Churches Pumpuluh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.

Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si. Tukum avoi 2nak a chuihtu phu an tlawm deuhnak cu HBA member chungtel khrihfabu tamdeuh an chuih lo caah a si. Nikum ah Vomtumaung certual an rak hlan hna i an rak hlanh duh hna lo caah hmaikum lei cu cozah nih a tuahmi pumpululh chuih zuamnak ah HBA ramchung khrihfabu paoh i tel ti lo ding in biakhiahnak an rak ngeih ruang ah a si tiah kan theih.
Tutan Hakha Khrihfabu kip pumpululh chuih zuamnak ah aa tel khomi zapi phu 15 an si. Phu in then an si. Cu hna cu;

Groups (A) ah; FMC, BCM, Olive UPC, Hniarlawn
Groups (B) ah; Gospel, UPC, AG, MEC,
Groups (C) ah; CJC, RC, SBC
Groups (D) ah Grace, Chunchung, Calvary, MBC an si.

About The Author

Na ruahning rak langhter ve.. (Leave a comment)

%d bloggers like this: