Hakha U-21 Pumpululh Chuih Zuamnak Ah Khuarthar Nih Pakhatnak An Lak

SalaiCungCung|2019November7| Hakha Vunthumaung certual ah tlangthluan zaanglet thanchonak (TSDP)tawlrelnak in tuah mi Hakha penguk U -21Cup cu Dawrthar le Khuathar final an kai i Khuathar nih 4-2 in pakhatnak an lak tiah kan theih.

“Atu bantuk in pumpuluh chuih zuamnak kan tuahnak a ruang cu November thla chung ah Chin ramkulh Chief Minister  U -21Cup caah mi thimnak le pumpuluh chuih mi pawl pakhat le pakhat i rual tein chuih ti khawhnak le an i theih thiamnak hnga tiin kan tuah mi a si. Chanthar mino pumpululh chuih thiam an um maw um lo ti zohfelnak le pumpululh chuih thiam tampi chuak hna seh ti kan duh caah tubantuk in kan tuah hi a si” tiah penguk bawi U Myint Oo nih a chim.

Hi pumpululh chuih tuahhnawh channak cu pengtlang ai-awh in siseh ramkulh ai-awh in siseh a kal kho ding minung thimnak caah tuah mi a si. Hmailei Chinmi nih ramkulh lawng si loin ramkomh, ramthen tiang ai zuam kho ding chuak hna seh ti saduhthahnak he tuah mi a si tiah kan theih.

Hi pumpululh chuih zuamnak ah laksawng pawl cu pakhatnak tangka Sing 3 le Trophy, pahnihnak tangka sing 2 an si. Cun thiamthlei laksawng pawl zong an tuah piak chih hna. Pumpululh chuih zuamnak ah ai tel kho mi hi team 7, Phidawta, Dawrthar, Khuathar, Hakha Thar (1), Hakha thar (2), Cawbuk, Khuahlun an zapi team 7 an si tiah kan theih.++

 

Leave a Commnet

%d bloggers like this: