Hakha U-21 Pumpululh Chuih Zuamnak An Tuah Cuahmah

Peng Cozah Upa Hna

Salai CungCung| 2019 October 22| Hakha Vunthumaung certual ah Hakha peng TSDP tawlrelnak in tuah mi Hakha peng uk U-21 Cup cu October 21 zaanlei sml 2 an thawk tiah kan theih.

Hi pumpuluh chuih zuamnak hunnak ah penguk bawi U Myint Oo nih “November thla chung ah tuah ding mi Chin ramkulh Chief minster U-21 Cup caah mi thimnak le pumpululh chuih mi pawl pakhat le pakhat i rual tein an um khawhnak hna tiin kan tuah mi a si. Chanthar mino pumpululh chuih thiam an um maw um lo ti zohfelnak le pumpululh chuih zuamnak kan tuah mi nih hin hmailei kan Chin ram chung in pumpululh chuih thiam tampi chuak hna seh ti kan duh caah tubantuk in kan tuah hi a si” tiah  Puai onnak ah a chim. “Hi bantuk in pumpululh chuih kan tuahhnawh channak a ruang cu pengtlang ai-awh in siseh ramkulh ai-awh in a kal kho ding minung thimnak caah kan tuah mi a si. Hmailei Chin mi nih ramkulh lawng silo in ramkomh tiang ai zuam kho ding in chuah hna seh ti kan duh caah kan tuah mi a si.

Lentecelh Phu

Hi kan pumpululh chuih zuamnak kan tuah mi ah team 7 nan chuah khawh caah nan cung ah lunglawmhnak tampi kan ngei. Sang chung in peng chung, pengkomh, ramkulh tiang zuamnak a kal kho ding mi pumpululh chuih thiam minung tampi chuak hna seh ti kan duh caah tubantuk in kan tuah hi a si” tiah a chim. Hi pumpululh chuih zuamnak ah ai tel kho mi team pawl cu, Phidawta, Dawrthar, Khua thar, Hakha thar (1), Hakha Thar (2),Cawbuk, Khuahlun an zapi team 7 an si. Hi pumpululh chuih zuamnak cu October 21 in November thla tiang an tuah lai tiah kan theih. +++

 

Na ruahning rak langhter ve.. (Leave a comment)

%d bloggers like this: