Hakha Viewpoint Ah Henry Van Thio Tower Lungphun An Tuah
Salai CungCung|2019 April 23| Hakha viewpoint ah Myanmar ram Vice President Pu Henry Van Thio Tower tiin min pek mi cu April 22 ah fehternak lungphun an tuah.
“Hi lungphun cu Pu Henry Van Thio Tower tiah min kan pek i Myanmar rampi ruahnak petu Daw Aung San Suu Kyi nih January 21 ah hunnak a tuah. Hi lungphun cu Rev. David Shwe thlacamnak in hram kan thawk i Pathian sin apnak kan ngei. Hakha viewpoint Tower cu Pu Henry Van Thio le ramkomh minister pawl nih a hram an thawk mi a si. Hi tower cu nunsiangtu minung 64 nih tangka chuahmi Sing 645800 in bawhnak a kan pek mi a si. Engineer nih timh tuah ning ah cun Sing 700000 a si nain bawmhnak kan hmu kho ti lo i Sing 645800 in kan sak i a tlamtling ngai ko” tiah Viewpoint saknak tawlreltu Pu Hla Hre nih The Chinland Post ah a chim.
Hi Tower Lungphun cu Aprill 22 zing suimilam 11 in hunnak an tuah i Chin ramkulh hluttaw speaker Pu Zo Bawi, Upadu bawizik, Sipin Minster, Hakha khuanu khuapa in Pu Chum Ling le Thla Kio, Rev. David Shwe hna an i tel kho tiah kan theih.
Zion Baptist Church mino nih Hakha Viewpoint pawngkam thianhlimnak cu April 22 ah an tuah kan theih.
About The Author
