Hakha Zophei Youth Fellowship Pumpululh Chuih Zuamnak Ah Hriphi Nih Pakhatnak An Laak
Salai cung cung|2018 October 11| Avoi 1nak Hakha Zophei Youth Fellowship Groups nih lentecelh zuamnak tuahmi pa pumpululh chuih pakhatnak laksawng Sing 150,000 cu Hriphi nih an co. Nu volleyball pakhatnak laksawng ks. 70,000 cu Zeiphai+Vuangtu nih an co tiah kan theih.
Pa pumpululh chuih zuamnak pahnihnak laksawng ks. 70,000 cu Lawngtlang+Aibur nih an co. Nu volleyball pahnihnak laksawng ks. 50,000 cu Lawngtlang+Kuchah nih an co tiah kan theih.
Hi lentecelhnak cu Final ah Hriphi le Hmawngtlang +Aibur nih Final an kai i Hriphi nih 4-2 in an tei hna. Nu volleyball cu Zephai+Vuangtu le Lawngtlang+Kuchah an si i Zephai+Vuangtu nih pakhat an hmuh. Hi lentecelhnak ah Pumpululh lei in anmah le hmunhma cio a thiam bik timi hna cu Goalbawh thiam bik ah Bawi Hmun, hnukamh thiam bik Van Hmuh Cung, laikal a thiam bik Sang Hlei Lian, hmaikal a thiam bik Hruai Tu Thang, Goal tambik suk kh tu ah Hruai Tu Thang, lentecelhnak chung vialte lakah a thiam bikmi cu Van Ni Tling an si.
Nu volleyball bengh thiam bik mi cu Bawi Hnem Par a si. Hi lentecelhnak i a thiam bik mi laksawng pekmi pawl cu pumpak pakhat cio in Roca an pek hna tiah Fellowship hruaitu upa sin in kan theih.
Avoi khat nak Zophei Youth Fellowship lentecelh zuamnak final a kaimi hna cu Pa pumpululh chuih ah Hriphi le Hmawngtlang+Aibur an si i Nu volleyball ah Zephai+Vuangtu le Lawngtlang+Kuchah an si tiah kan theih.
About The Author
