Hakhathar Umnak Inn Cu Lo Thlam Tluk Lawng A Si; Thlaawr Bawihrin

0

Rev. Thlaawr Bawihrin

Salai Elvis| 2018 November 20| Hakhathar an umnak inn pawl cu inn ti awktlak rih lo, lo thlam tluk lawng a si rih tiah CBCUSA GS Rev. Thlaawr Bawihrin nih November 19 ah tuahmi Chin ramkulh cozah kumhnih chung an riantuanmi mizapi sin fianternak tuah ni ah a tubantuk in a chim hi a si.

“Jeneva ram lo thlam an sakmi hmanh a tluk rih lo. Hakhathar ka phak paoh ah ka zaw peng. Zeiruang tiah cun khuapi sinak a phan rih lo. Lo thlam bantuk lawng a si rih. Chief Minister sin zongah ka chim, Hakha khi a that khawh chung in kan i zuam hau tiah ka chimh. Chinram cu vawlei pi nih zoh cho ding a si awk kan i zuam a herh. Chin ramkulh cozah Hluttaw meeting nan tuah tikah kadang pengthen bantuk in mizapi zoh khawh le theih khawhnak ding caah Live in rak kan thlahpiak u. Hluttaw meeting an tuah ti zong mizapi nih kan theih lo bantuk in zeidah an ceih timi zong Media le Newspaper zongah kan hmu in kan thei bal lo. Chinram chungah Radio/TV Station pazeizat dah a um timi hal kan duh hna. Cucaah Media a um hnu lawng ah mizapi nih Information kan theih khawh ve” tiah Rev. Thlaawr Bawihrin nih a chim.

Cu pin ah Paletwa ram a tlawnnak i a hmuh tonmi, Hai a tlai tuk ko nain a zuarnak an theih lonak le Caw le naa lawng nih an ei i an chung a thletnak hna kong, zei hmanh miaknak a um lonak kong, hmailei ah khi hmun in tangka tampi hmuhnak a sinak ding kong, Chin miphun kan van a tha tuk Paletwa ram khi tluk a tha mi India- Tuluk ram karlak te ah a ummi kan si. Pathian nih thluachuah a kan pek cia hmanh a hmanzia kan thiam lo. Kan thluak tha a der tuknak le kan hman thiam lonak kong le Timit dinti kongah a hmun le hma teah Pathian nih an kan chiahpiak ko cangmi atu tiang kan hman khawh lonak le a hmanzia an thiam khawh lo nak kong, Chin ramkulh cozah nih mi a thongthong in a tlummi Hall sakpiak ding an sinak kong le a dangdang zong Chinram thanchonak le hmailei a saduhthah tampi kong a chim. Mah ni ah Hakhathar mizapi ti an harnak kong le falfai deuh in Chin ramkulh cozah nih zoh an hauhnak kong zong Hakhathar upa pakhat nih biahalnak le an chambaunak kong tampi a chim ve.

About The Author

Na ruahning rak langhter ve.. (Leave a comment)

%d bloggers like this: