HBA BM Meeting Ah Ordained 5 Le Pastor 4 Pek An Si Pin Ah Minung 3 Pension Pek An Si

Salai Cung Cung |2019 February 25| Avoi 51nak HBA (Hakha Baptist Association) BM (Board Management) tonpumhnak le pengpumh cu Hakha IBC (Immanuel Baptist Church) ah February 21 in 24 tiang an tuah i ordained pekmi 5, pastor min pekmi 4 le pension pekmi 3 an si tiah kan theih.

Tutan ah Pension pekmi hna cu; Rev. Dr. H. Siang Kung- Service kum 36, Rev. Dr. Ceu Ham- Service kum 31, Pastor Duh Iang- Service kum 28 an si.

Pastor min pekmi hna cu, Pastor Van Tha Ceu (ZABC), Pastor Hoi Sang (HBC, NEBC), Pastor P. Hrang Lian Thang ( Peniel), Pastor Hniang Tha Len (Galilee) an si.

Ordained Pekmi hna cu; Rev. Remh Cung (MABC), Rev. Thla Tin Thang (Tinam), Rev. Ngun Mang (ZABC), Rev. Peng Hnin (ZABC), Rev. T. Hniang Uk (Olive) an si. Upatpeknak Medal pekmi hna cu; Rev. Ceu Nawl (Pastor riantuannak Service kum 25), Rev. Dr. Ceu Ham (Service kum 30) le Gospel Team apnak ah; Carson Gospel Team- minung 7 le CBM minung 69 an si tiah kan theih.

Thawngthachimtu hna cu, Rev. Dr. C. Duh Kam (USA), Rev. Dr. Za Khar (HBA), Rev. Dr. Za Biak Ling ( CBC), Rev. Dr. Ceu Ham ( Peniel), Rev. D. Vai Lian Zul ( FBA, GS), Rev. C. Nei Rem ( HBC), le hlasatu ah  Lal Tha Chin Sangi an si tiah kan theih.

HBA ramchung khrihfabu dihlak 55 an si. Local Church 17 le Area 3, Inn 5205, Member zapi 135,267, Pastor zapi 149 an si i Nu 44 le Pa 105 an si. Ordained pekmi minung 64, Un-ordained minung 85 an si. Thawhlawmpi Ks.2,084,546,150 a si tiah kan theih.

Hmaikum HBA BM avoi 52nak cu Zokhua Baptist Church (ZABC) ah an biakinn luh pah in an tuah lai. Triennial meeting cu a ralaimi 2021 February thla, Hakha -Peniel Baptist Church ah an tuah lai. Khi tikah hruaitu thar thimnak le thlennak zong an ngei te lai tiah kan theih. +++

Na ruahning rak langhter ve.. (Leave a comment)

%d bloggers like this: