HBA Leadership Training Ah Rev. Dr. Hre Mang Le Salai Van Biak Thang Cawnpiaktu An Si Lai
Salai Cung Cung| 2019 March 25 | HBA (Hakha Baptist Association) Youth Department hruainak in kumthum voikhat tuah tawnmi leadership training cu March 28 in 31 tiang Buanlung khua ah an tuah lai. Cawnpiaktu ding ah Rev. Dr. Hre Mang (USA) le Salai Van Biak Thang (CHRO) an si lai tiah kan theih.
“Hi Leadership Training cu kumthum voikhat kan tuah tawnmi a si. A bik in kan tuah hnawh channak a ruang cu mino pawl taksa thlarau lei in kan thancho khawh deuh nakhnga a si. Tutan cawnpiaktu ding ah ramdang lei in pastor min ngei le bochan mi le Hakha ah mino lei kan i bochan ngaimi hna an mah pahnih hi kan sawm hna caah a sunglawi ngai lai. Mino a duh mi paoh nan rak kan tel pi khawh cio. Khual sawm mi cu an um lo kan mah HBA mino hi kan si ko lai. A kal kho ding minung hi 100 in 200 kar kan si men lai” tiah HBA Youth Secretary Pastor Van Tling Thang nih The Chinland Post ah a chim.
Hi leadership training cawnpiaktu cu; Leadership and Discipleship tlangtar in Rev. Dr. Hre Mang, Youth and Human Rights tlangtar in Salai Van Biak Thang an si lai.
Hi training pumh caan hmangtu ding cu, thawngtha chimtu ah Re.Dr. Hre Mang, Pastor E.Sun Men, Pastor K.Chan Hnin Thang an si lai. Devotion ah Pastor Khin Maung Myint, Pastor Cung Hnin, Praise and worship ah Zion mino an si lai tiah kan theih.
About The Author
