HBA Nih Tial Cung Thang Thlacamnak An Tuahpiak I Bible An Thenh
Salai CungCung|2019 March 15| HBA (Hakha Baptist Association) nih MMA Fighter Tial Cung Thang cu March 14 HBA zung ah thlacaamnak an tuahpiak i a nun lam hruaitu ding ah bible cauk an pekthenh.
“Ka phone ah Bible cu a um ko nain ka rel tuk lo. Atu cu Bible Cauk nan ka pekthenh caah ka thinlung ah duak tiah a chuakmi cu Bible rel peng ka hau ti hi a si. Cun kan ram le miphun caah Champion si kaa zuam lai” tiah Tial Cung Thang nih thlacamnak an tuahpiak lio ah a chim.
“MMA Fighter Tial Cung Thang cu kanmah HBA nih thlacamnak kan tuahpiak i Bible zong laksawng ah kan pek” tiah HBA Youth Secretary Pastor Van Tling Thang nih The Chinland Post ah a chim.+++
About The Author
