HBA Youth Combine Pumh I Hmuhmi Thawhlawm Cu Kan Unau Paletwa Ralzam Camp Ah Pek A Si Lai

0

Salai Josephbawi| The Chinland Post| 2020 March 7| Hakha Baptist Association (HBA) Youth Department nih a tuahmi Youth Combine pumh cu a ralaimi 2020 March 8 zan 6:30, Immanuel Baptist Church ah tuah a si lai i cu zaan hmuhmi thawhlawm cu Paletwa ralzam camp caah pek a si lai tiah theih a si.

HBA Youth Combine pumh ah thawngtha chimtu sawmmi cu USA in Pastor John Za Thleng (CEBC, Associate Pastor) a si lai.

HBA Combine Pumhnak ding IBC Biakinn

“Hi zaan i kan hmuhmi thawhlawm cu Paletwa IDP Camp ah kuat a si lai. Cu cu HBA Youth Department kan meeting nih kan unau Paletwa hartong an caah thla kan cam can a si tiah kan ti. Hi zan ah Paletwa hartongmi an caah thlacam piaknak zong a um lai I CACC in Pastor Lai Cung a si lai” tiah Pastor Van Tling Thang nih The Chinland Post ah a chim.

“Paletwa unau caah Immnauel mino nih Coffee Nigh tuahnak in thla an cam piak cang hna. HBA ramchung mino hna zong nih kan thinlung chungah kan unau a simi Paletwa an harnak le an lungretheihnak ruat buin tutan kan thawhlawm lawm hi lungtho tein kan pek lai. A tlawm a tam tinak in kan lungthin in kan tuarpinak langhternak khi a si ko. Cu caah itel khawh cio le a hlan kan pekmi nak tam deuh pek khawh zong izuam cio usih” tiah HBA Youth Secretary nih The Chinland Post ah a chim.

Paletwa Ralzam hi Arakan Army le Kawl ralkap an ikap ruangah an har ngai lawng silo in Kyauttaw in Paletwa lam an phih caah eidin an har ngaingai. March thla hramthok ah Matupi in Paletwa a kalmi motor zong mei duah a tong tiah theih a si.

 

About The Author

Na ruahning rak langhter ve.. (Leave a comment)

%d bloggers like this: