HBA Youth Department nih Youth Bible Study le Youth Combine Service Hmanding Timtuahak an Ngei

0

HBA Bible Study Lio/ Van Tling Thang

Salai Josephbawi| 2020 March 4| A ralaimi March 7, 2020 ( Zarhte Ni) ah HBA Mino Bible Study le March 8 zan ah HBA Youth Combine Service tuah an timh tiah thawng kan theih.

“Hi mino Bible Study hi nikum in thawkmi a si i tukum cun a kum 2 nak kan tuah a si. Nikum ah cawnpiaktu sawmmi cu Community Bible Study in Rev. Dr. James Sai Ru Ma nih a kan cawn piak.Tukum cawnpiaktu sawmmi cu naite ah Canada in M.Th in degree a kan lak piakmi Pastor Holy Ram Hmun a si lai,” tiah HBA Youth Secretary Pastor Van Tling Thang in kan theih.

HBA Bible Study cu HBA zung ah cawnnak a si lai. Zing sml. 10:00am- 2:00pm tiang cawnnak ngeih a si lai.

“Hi Bible study kan tuah hnawhchannak a ruangbik cu kan mino nih hin Bible hi thei usih law, kan mino sin lila ah Bible a chim khomi le a cawnpiak khomi si hna seh ti hi kan duh. Hi Bible cawnnak hi biatak tein kan cawn khawh a si ah cun mah le khrihfabu cio ah mino palinga in Bible group ngeih khawh cio u sih ti hi kan saduhthah a si” tiah HBA Youth Department Secretary a simi Pastor Van Tling Thang nih The Chinland Post ah a chim.

March 8 zongah HBA ramchung Youth Combine (Mino Khawmpi) Pathian thangthattinak zong Immanuel Baptist Church zan 6:30pm ngeih an tim i Thawngthachim tu ah Rev. John Za Thleng le hlasa tu ah Bawi Hlei Cuai, Clinton, Mercy Ngun Tha Chin le Cung Cem Thang hna an sawm hna tiah theih a si. Pa aw (Male Voice) in Bethel Baptist Church, Musical Drama le Praise and worship hruaitu ah Immanuel le Choir in Agape hna nih caan an hmang lai tiah theih a si. Mah zan hmuhmi thawhlawm vialte Paletwa har tongmi hna caah bawmhnak pek ding timhtuahnak zong an ngei tiah theih a si. +++

About The Author

Na ruahning rak langhter ve.. (Leave a comment)

%d bloggers like this: