HBA Youth Hruainak In Bible Study Cawnnak An Tuah Lai

Salai Cung Cung |2019 February 25| Hakha HBA zung ah HBA (Hakha Baptist Association) Youth Department hruai nakin March 1 in 2 tiang  Bible Study cawnnak an ngei lai tiah kan theih.

“Hi Bible Study tuah kan timhnak a ruang cu kan mino hna Bible lei ah thathenmnak tampi a pek lai tiah kan zumh. Cun tinh bikmi cu HBA mino hi Bible Study tuahnak lei ah thancho chin lengmang nakding le mah le khrihfabu cio ah Bible Study Group ser kho ding tiang in kan saduhthah a si. Cawnpiaktu ding ah sawmmi cu Community Bible Study i rian a tuanmi Rev. Dr. James Sai Ruma a si. Tu hi avoi khatnak tuah kan i timh a si i kan tlamtlin ah cun hmailei zong kan pehzulh peng ko lai” tiah HBA-Youth Secretary Pastor Van Tling Thang nih The Chinland Post ah a chim.

HBA Youth tawrelnak aralaimi March thla ah Leadership training zong Buanlung ah an tuah than lai.  Cawnpiaktu cu Rev. Dr. Hre Mang (USA) le Salai Van Biak Thang (CHRO) an si lai tiah kan theih.  +++

Na ruahning rak langhter ve.. (Leave a comment)

%d bloggers like this: